Malfeliĉas la tradicia reklamo de Esperanto en la franca « Le Monde ». Jen antaŭe oni mistajpis la vorton Esperanto (!) en titolo (!!). Jen ĉi-jare pro la striko plejparto de la stoko ne estis vendita.
Mislokitaj supersignoj aperas pli sube
Mirinde, kiom da atento ĉiam altiras reklamoj de Miyoshi [mijoŝi] en la grandaj eŭropaj gazetoj. Esperantistoj atendas tiujn reklamojn, ili poste serĉas elŝuteblon por vidi kaj ĝoji. Kaj ĉiam estas kelkaj evidentaj, okulfrapaj misoj en ili. Mi proponus, ke la preparitan tekston povu vidi deko aŭ cento da esperantistoj antaŭ aperigo en gazetoj — eble tiam oni rimarkus „espeRNaton“ kaj senĉapelan „kosmosipon“.
La ĉi-jara elŝuteblo: prenu PDF-version de la reklamo ĉi tie.
Hastu vidi ĉe Edukado.net la liston de 70 eminentaj instruistoj de Esperanto.
