Jam dimanĉe okazos la 1-a Lingva Festivalo en Peterburgo, norde de la eŭropa parto de Rusio. Kvankam antaŭvidi kvanton de partoprenantoj malfacilas, oni esperas, ke estos ne malpli ol 60 kaj ne pli ol 160 homoj.

Gazetaro jam rimarkis la venontan festivalon. Hodiaŭ mencieto de ĝi aperis en renoma tagĵurnalo «Delovoj Peterburg» (ial kun mistajpo — nefermita citilo — kaj sen mencio de la organizanta institucio). Ne malpli ol dudek personoj venos partopreni el aliaj urboj (plejparte el Moskvo).